News
Լրահոս
News
Շաբաթ
Հոկտեմբեր 20
Տեսնել լրահոսը


Ժիրայր Սեֆիլյանի եւ մյուսների գործով անազատության մեջ գտնվող Ներսես Պողոսյանն այսօր դատարանի դահլիճում մինչ ցուցմունք տալը ելույթ ունեցավ եւ շնորհավորեց Ադրբեջանի նախագահին, որ  ՀՀ իշխանությունը բանտերում է պահում Արցախյան հերոսներին։

«Նախ շնորհավորում եմ Հայաստանի պատմական հողերը զավթած Ադրբեջանի նախագահ Ալիեւնին այն փաստի առթիվ, որ այսօր հայաստանյան  բանտերում են գտնվում իր եւ  իր գեներալների ահուսարսափ հայ ազատամարտիներին, որոնք ժամանակին պատրաստ են եղել  իրենց կյանքը զոհել հանուն էն քննիչների ու դատախազների, որոնք  այն ժամանակ փոքր են եղել եւ էսօր իրենց թեթեւ ձեռքով էդ մարդկանց  վրա գործեր են հարուցում ու լցնում բանտերը։ Անկապ հեքիաթներ գրեցին ու փակեցին»,–հայտարարեց Ներսես Պողոսյանը՝ նշելով, որ իրեն կալանավորել են միայն այն բանի համար, որ մասնակցել է հավաքներին։

«Ինձ կալանավորեցին նրա համար, որ ես միշտ մասնակցել եմ հավաքներին, եղել եմ ժողովրդիս կողքին 2001 թվականից սկսած ու  մասնակցել եմ այն հավաքներին, որոնք կազմակերպել են ազատամարտիկները, դրանից ելնելով սարքեցին գլխիս էս հեքիաթը»,–ասաց Ներսես Պողոսյանը։

Նա շեշտեց, որ  Հովհաննես Պետորսյանի եւ Գալուստ Գրիգորյանի հետ առերեսում տեղի չի ունեցել, քանի որ պաշտպան չի ունեցել։  Հիշեցնենք, որ Հովհաննես Պետրոսյանը  Ժիրայր Սեֆիլյանի դեմ ցուցմունք է տվել։

«Իմ եւ Հովհաննես Պետրոսյանի, Գալուստ Գրիգորյանի հետ առերեսում չի եղել։ Հարցրել են՝ ճանաչում են իրար, թե ոչ, ու առերեսումներից ես հրաժարվեցի, որովհետեւ դեռ պաշտպան չունեի։ Սկի չեմ էլ լսել ինչ են խոսում սարքել են առերեսում։ Տասը ամիս է՝ ասում էի, արա, իմ տնից զենք չեք հանել,  տասը ամիս ա՝ ասում եմ՝ իմ տնից զենք չեք հանել, քննիչն ասում ա՝ իմ տնից զենք են հանել, տասը ամիս հետո գալիս ասում ա՝ վրիպակ էր եղել, որ գրել էինք՝  քո տնից զենք չէինք հանել, բայց գրած էր գործերի մեջ։ Սենց  մեկ տարի յոթ ամիս նստած եմ, չգիտեմ խի»։

Ներսես Պողոսյանն ասաց, որ այս գործով դատապարտված Արթուր Մովսիսյանի հետ ընկերական հարաբերություններ է ունեցել, վերջինս իր կողիքն է եղել իր կյանքի ծանր պահին։  «Ասում են՝ Արթուրի տուն ես գնացել, ասում եմ՝ Արթուրը էն տղեն էր, որ իմ պապան հիվանդ ա եղել ուռուցքով, Մոսկվայից Արթուրն էր դեղ ուղարկում, երբ որ պապաս վատ էր, Արթուրը իմացավ, որ վատ ա, ինքն էլ երկար ժամանակ Հայաստանում չի եղել, եկավ համ պապային տեսներ, համ տնեցիքին։ Իմ ընկերն էր եկել է, ես էլ  Գալուստի հետ գնացել դիմավորել եմ իրան, տասը ամիս էդ տղեն դեղեր ուղարկել իմ համար, ես էլ մի շաբաթ միշտ իր հետ եմ եղել, կարող ա էդ մի շաբաթվա մեջ  20 անգամ Ձորաղբյուրր գնացած լինեմ։  Գնացել եմ Արթուրի տուն, լիքը մարդկանցով կարողա հավաքված մի տեղ նստած լինենք, ուրեմն դա նշանակում ա՝ ես զե՞նք եմ տեղափոխել։ Ոնց է լինում, որ իմ ընկերը՝ Սահակի գարաժում, որ պահվում է զենքը,  քննիչ ու դատախազ կոչվածները  չեն իմանում, բայց որ Արթուրի տանն են պահում, պիտի կալանավորեն, որովհետեւ իմ ընկերն ա Արթուրը»։

Ասաց՝ Ժիրայր Սեֆիլյանին ճանաչել է որպես Շուշիի առանձնակի գումարտակի հրամանատար, որպես հերոսներ Մոնթեի եւ Պետոյի ընկեր, Գեւորգ Սաֆարյանին հեռուստացույցով է տեսել, Հովհաննես Պետորսյանի եւ Արթուր Մովսիսյանի հետ ծանոթացել է 2015 թվականին։  Ասաց, որ երկրի վիճակի վերաբերյալ քննարկումներ շատերի հետ է ունեցել, բայց հեռուստաշխատարակը գրավելու մասին որեւէ խոսք Հովհաննես Պետրոսյանից չի լսել։

Ներսես Պողոսյանը կասկած հայտնեց, որ փորձում են իրենից վրեժխնդիր լինել։  Զայրացած հայտարարեց, թե եթե  որեւէ մեկը փորձի վնասել իր ընտանիքի անդամներին, ապա ինքն էլ նույն կերպ կվարվի։

Հիշեցնենք, որ ըստ մեղադրանքի՝ Ներսես Պողոսյանը 2016թ Ժիրայր Սեֆիլյանի կազմակերպած խմբի կազմում ապօրինի զենքի շրջանառությամբ նախապատրաստել է Երեւանի հեռուստաաշտարակի եւ պետական այլ կառույցներ զավթելու գործողություններ։ Պողոսյանին սպառնում է մինչեւ 8 տարվա ազատազրկում։

Տպել
Կարդացեք նաև
Ամբողջը
«Ժամանակ». «Ծաղիկ Ռուբոն» ծաղկում է
Այսօր կայանալիք համագումարին ներկա է լինելու ԲՀԿ նախագահ Գագիկ Ծառուկյանը, չի բացառվում նաեւ, որ նա ելույթ ունենա...
«Ժողովուրդ». Քրգործեր ՀՀԿ-ի օդիոզ դեմքերի դեմ. քննչականներում հրահանգվել է չխոսել
Այն, որ հայրենի իրավապահ համակարգը չի փայլում պրոֆեսիոնալիզմով, վաղուց որեւէ մեկի համար գաղտնիք չէ: Եթե հին Հայաստանում այս կամ այն մարդու վրա «գործեր» էին սարքվում...
«Հրապարակ». Ապարանում հերթական խաչն է տեղադրվելու. Խաչքավորը Ղրիմի Արտակն է. այս տարի կգա՞ն պաշտոնյաներ
Ամեն տարի կազմակերպում է ապարանյան կլանի պարագլուխ Աղվան Հովսեփյանը...
«Փաստ». Պարտատոմսեր, դոլարներ. ի՞նչ ունեցվածք ունի նորանշանակ նախարարը
Ըստ նշված հայտարարագրի՝ նորանշանակ նախարարն ունի առանձնատուն, ավտոտնակ, բնակարան, 2 հողամաս, այգետնակ...
«Ժողովուրդ». Կիսահաղթանակ եվրոհովերից. Արփինե Հովհաննիսյանի եւ Պյոտր Սվիտալսկու հանդիպումը լարված է անցել
Հենց այդ օրը` մինչ նրա հարցազրույցը, հանդիպում է եղել ԱԺ փոխնախագահ Արփինե Հովհաննիսյանի հետ, սակայն հանդիպումն այդքան էլ հարթ չի գնացել...
«Հրապարակ». Անգամ Ավշարի Գրիգորյանների երբեմնի կամակատարներն են թեքվել Նիկոլականների կողմը
Նա պատգամավորական հավակնություններ ունի եւ չի թաքցնում, որ իր երազանքների իրականացնողը լինելու է մարզպետը...
Ամենաշատ
Partner news