Դեկտեմբերի 15-ին օկուպացած պաղեստինյան որոշ բնակավայրերում բախումներ են սկսվել պաղեստինցի երիտասարդների եւ իսրայելական ոստիկանության միջեւ, փոխանցում է ՏԱՍՍ-ը:
Ըստ տեղեկությունների՝ ավելի լուրջ բախումներ են ընթանում Բեթղեհեմի թաղամասերից մեկում եւ Արեւելյան Երուսաղեմում իսրայելական «Կալանդիա» հսկիչ անցակետում: Տեղեկություններ են ստացվում հսկիչ անցակետում ոստիկանության կողմից պլաստիկե փամփուշտներով զենքի կիրառման հետեւանքով մի քանի տուժած պաղեստինցիների մասին:
Բեթղեհեմում իսրայելցիներն արցունքաբեր գազով նռնակներ են օգտագործում՝ ցուցարարներին ցրելու համար, որոնք փողոց են դուրս եկել «Զայրույթի օրը»՝ բողոքելով Երուսաղեմը Իսրայելի մայրաքաղաք ճանաչելու ԱՄՆ վարչակազմի վերջերս ընդունած որոշման դեմ:
Ականատեսները վկայում են, որ Իսրայելի իշխանությունները անվտանգության աննախադեպ միջոցառումներ են ձեռնարկել Հին Երուսաղեմում Դամասկոսյան դարպասների մոտ, որտեղից ճանապարհը տանում է Տաճարի լեռ եւ այնտեղ գտնվող մուսուլմանների համար իր նշանակությամբ երրորդ սրբավայր՝ Ալ Աքսա մզկիթ: