Հայաստանում Ռուսաստանի Դաշնային անվտանգության ծառայության սահմանապահ վարչությանը, «Հայաստանի Հանրապետության եւ Ռուսաստանի Դաշնության միջեւ Հայաստանի Հանրապետության տարածքում գտնվող Ռուսաստանի Դաշնության սահմանապահ զորքերի կարգավիճակի ու նրանց գործունեության պայմանների մասին» 1992 թվականի սեպտեմբերի 30-ի պայմանագրի դրույթներին համապատասխան, զգոնությամբ շարունակում է Հայաստանի պետական սահմանների պահպանությունը:
Հայաստանում Ռուսաստանի Դաշնային անվտանգության ծառայության սահմանապահ վարչության մամուլի ծառայությունից NEWS.am-ի թղթակցի հետ զրույցում հայտնել են, որ ներկայում նախատեսվում է ինժեներական կառույցների արդիականացում, հնացած սարքավորումների վերանորոգում եւ հայ-թուրքական սահմանի տարբեր հատվածներում ժամանակակից անվտանգության համակարգերի տեղադրում:
Սահմանապահ վարչության ղեկավարությունը երախտագիտություն է հայտնում սահմանային գոտիների բնակիչներին՝ պետական սահմանի պահպանման գործում ցուցաբերած աջակցության համար: