ԱՄՆ նախագահ Դոնալդ Թրամփը պնդում է, որ Ռուսաստանը չի օգնում ԿԺԴՀ շուրջ ստեղծված իրավիճակի կարգավորման գործում, սակայն Վաշինգթոնը կցանկանար Մոսկվայից այդ հարցում օգնություն ստանալ: Համապատասխան հայտարարությամբ ուրբաթ նա հանդես է եկել լրագրողների առջեւ եւ հաղորդել Ռուսաստանի նախագահ Վլադիմիր Պուտինի հետ հեռախոսազրույցի բովանդակության մասին, հաղորդում է ՏԱՍՍ-ը:
«Գլխավոր թեման Հյուսիսային Կորեան էր, մենք խոսում էինք Հյուսիսային Կորեայի մասին, որովհետեւ կցանկանայինք, որ նրանք օգնեին այդ հարցում: Չինաստանը օգնում է, Ռուսաստանը չի օգնում եւ մենք կցանկանայինք, որ Ռուսաստանը օգներ, դա շատ կարեւոր է», - ասել է նա: