Եգիպտոսում ուրբաթ թեթեւ  երկշարժիչ Beechcraft-58 ինքնաթիռի վթարի հետեւանքով երեք մարդ զոհվել է: Այս մասին հայտնում է երկրի քաղաքացիական ավիացիայի նախարարությունը, հաղորդում է ՏԱՍՍ-ը:

Նրա տվայլներով՝ օդանավը ուսումնական թռիչք էր իրականացնում Կարուն լճից դեպի հյուսիս, երբ տեխնիկական խնդիրներ առաջացան: Օդաչուն փորձել է արտակարգ վայրէջք կատարել Կահիրեի մերձակայքում գտնվող անապատային տարածքում, սակայն ինքնաթիռը վթարի է ենթարկվել:

Ինքնաթիռում եղել է հրահանգիչը եւ երկու ստաժոր: Միջադեպի հետաքննությունը սկսվել է: