Հարավային Կորեայի հետախուզության ազգային գործակալությունը կասկածում է, որ Հյուսիսային Կորեան կարող է ներգրավված լինել կրիպտոարժույթների բորսաների վրա կիբերհարձակումների պատմության մեջ։ Այս մասին հայտնում է «Ռյոնհափ» գործակալությունը։

Գործակալության աղբյուրի խոսքով՝ գերատեսչությունն ունի ապացույցներ, որ ԿԺԴՀ-ի ցանցահենները մասնակցություն ունեն 2017-ի հունիսին կրիպտոարժույթի Bithumb բորսայի 30 հազար օգտատերերի անձնական տվյալների գողությանը։ Այս բորսան Սեուլում է գտնվում ու համարվում է աշխարհի խոշորագույն բորսաներից մեկը։