Աշտարակի կամրջի տակ դեկտեմբերի 15-ի գիշերը հայտնաբերված 23-ամյա աղջկա վիճակը շարունակում է մնալ ծանր: Այս մասին NEWS.am-ին հայտնեցին «Արմենիա» հանրապետական բժշկական կենտրոնի վերակենդանացման բաժանմունքից:
«Գիտակցության էլեմենտներ կան, սակայն, դեռ գիտակցության չի եկել»,- հայտնեցին հիվանդանոցից՝ նշելով, որ այս պահին վիրահատության հարց չի քննարկվում:
23-ամյա աղջիկն ունի վերջույթների բազմաթիվ կոտրվածքներ, ինչպես նաեւ լուրջ վնասվածքներ գլխի շրջանում: Որտեղ եւ ինչպես է աղջիկը ստացել այդ վնասվածքները, անհայտ է. բժիշկները դեռ չգիտեն՝ նա կամրջից է ընկել, թե բռնության զոհ դարձել:
Հիշեցնենք, որ դեկտեմբերի 15-ին ժամը 03:00-ի սահմաններում փրկարարները Աշտարակի կամրջի տակ հայտնաբերել ենն 23-ամյա Ա.Չ-ին: Նրան տեղափոխել էին հիվանդանոց:
