Մոսկվայի բնակարաններից մեկում ոստիկանները հայտնաբերել են մումիայի վերածված կնոջ դի, գրում է «Մոսկովսկի կոսմսոմոլեցը»։
Վերոնիկա անունով կինը մենակ էր ապրում ու աշխատում էր դեղատներից մեկում՝ որպես մատակարար։ Նա անհետացել էր հարեւանների տեսադաշտից 2015-ի ապրիլին։ Բնակարանի դուռը կոտրել ու բացել են միայն այն բանից հետո, երբ ներքեւի հարկի բնակարանը ջուր է լցվել։ Բնակարանի պատուհանը բաց է եղել ամբողջ ընթացքում, դրա համար էլ տանտիրուհու մարմինը բառացիորեն մումիայի է վերածվել։
Ոստիկանները դիակի մոտ գտել են նաեւ երկտող։ Կինը գրության մեջ խնդրել էր իր մահվան մեջ մեղադրել այն դեղատան տնօրենին, որտեղ աշխատում էր։