Արմավիրի մարզում տեղի ունեցած ավտոգողությունները բացահայտվել են:
Ըստ ոստիկանության՝ մի քանի օրվա տարբերությամբ մարզերում մի քանի մեքենա էին գողացել, թիրախը սովետական արտադրության մեքենաներն են եղել: Գողացված մեքենաներից մեկն ավելի ուշ հայտնաբերվել է Մեծամոր քաղաքում, սակայն, ամբողջությամբ թալանված վիճակում:
Օրեր անց ոստիկանները պարզել են, որ հիշյալ գողությունները կատարել է Երեւանի բնակիչ, 24-ամյա Արսեն Մանուչարյանը: Նա բերման է ենթարկվել ոստիկանության բաժին եւ տվել խոստովանական ցուցմունք:
Հարուցվել է քրեական գործ, քննությունը շարունակվում է:
Մանրամասները՝ ոստիկանության պատրաստած տեսանյութում: