Գերմանիայի հատուկ ծառայությունները կարծում են, որ Գերմանիայում բնակվող տասնյակ կանայք եւ անչափահասներ հասարակական անվտանգությանը սպառնալիք են ներկայացնում եւ նույնիսկ պատրաստ են ահաբեկչություն իրականացնել, հայտնում է DW-ն՝ վկայակոչելով dpa-ին եւ հատուկ ծառայություններում աղբյուրներին:
Ներկայումս երկրում հաշվվում է ավելի քան 720 առանձնապես վտանգավոր իսլամական, որից մինչեւ 10 տոկոսը կանայք են եւ անչափահասներ:
Դեկտեմբերի սկզբին Սահմանադրության պահպանման դաշնային գերատեսչության ղեկավար Հանս Գեորգ Մասենը զգուշացրել էր իսլամական կանանցից եւ երեխաներից բխող սպառնալիքի մասին, հատկապես «Իսլամական պետություն» ահաբեկչական խմբավորման գրոհայիններից հետ նվաճած տարածքներից վերադարձողներից: Մասենի խոսքով՝ երեխաների եւ անչափահասների շրջանում, որոնք ԻՊ իշխանության ներքո գտնվող ուսումնական հաստատություններ են հաճախել, կան այնպիսիները, որոնք «ուղեղի լվացման» են ենթարկվել եւ զգալի չափով արմատականացել են:
«Կանայք, որոնք վերջին տարիներին բնակվել են ԻՊ տարածքներում, հաճախ այնքան արմատականացած են եւ իրենց այնքան են նույնականացնում ԻՊ գաղափարախոսության հետ, որ նրանց լովին կարելի է որպես ջիհադական բնորոշել»,- նշել է գերմանական հատուկ ծառայության ղեկավարը:
