News
Լրահոս
News
Ուրբաթ
Հունվար 19
Տեսնել լրահոսը

ՀՀ քննչական կոմիտեի Երեւանի քննչական վարչության Էրեբունի եւ Նուբարաշեն վարչական շրջանի քննչական բաժնում գողության դեպքի առթիվ քննվող քրեական գործով կատարված բազմակողմանի քննության արդյունքում հայտնաբերվել է կասկածելի ծագման մեծ քանակությամբ մսեղիք։

«ԳՈՒՄ»-ի շուկայի դիմացի հատվածում տեղակայված մսի վաճառասրահի պահեստարանից մսեղիքի գողության դեպքի առթիվ ՀՀ քննչական կոմիտեի Էրեբունի եւ Նուբարաշեն վարչական շրջանների քննչական բաժնում հարուցված քրեական գործի շրջանակներում ձեռնարկված անհրաժեշտ քննչական եւ օպերատիվ-որոնողական միջոցառումների արդյունքում բացահայտվել է կատարված գողությունը, ենթադրյալ հանցագործություն կատարած անձի ինքնությունը, ինչպես նաեւ՝ նույն պահեստարանում կասկածելի ծագման, այդ թվում՝ ձիու եւ ավանակի մսեղիք։

Մսի վաճառասրահի պահեստարանից գողության դեպքն արձանագրվել է 2017 թվականի դեկտեմբերի 7-ի լույս 8-ի գիշերը։ Նախնական քննության տվյալներով՝ ենթադրյալ հանցագործություն կատարած անձը Երեւան քաղաքի Զավարյան փողոցի 16 հասցեում գործող մսի վաճառասրահի պահեստից գողացել է շուրջ 210կգ մսեղիք, որն իր անձնական օգտագործման «Grand cherokee» մակնիշի ավտոմեքենայով տեղափոխել է Սեբաստիա 64 հասցեում գործող շուկայի մոտ, որտեղ դրանք իրացրել է պատահական 2 գնորդների։ Կասկածյալը հարցաքննության ժամանակ հայտնել է, որ գողացված մսեղիքն իրենից գնող անձինք դրա դիմաց յուրաքանչյուր կիլոգրամի համար վճարել են 1,000 ՀՀ դրամից քիչ գումար՝ պատճառաբանելով, որ այն ձիու միս է։

Նշված վաճառասրահում գործունեություն ծավալող ԱՁ-ի տնօրենի մասնակցությամբ   կատարվել է դեպքի վայրի զննություն, որի ժամանակ պարզվել է, որ պահեստում առկա է գարշահոտող, կասկածելի ծագման մսեղիքի խմբաքանակ։

Վարույթն իրականացնող մարմինն անմիջապես քրեական գործով հրավիրել է  ՀՀ գյուղատնտեսության նախարարության սննդամթերքի անվտանգության պետական ծառայության մասնագետների եւ նրանց ներգրավմամբ, կասկածյալի մասնակցությամբ լրացուցիչ զննվել է մսի վաճառասրահի պահեստը, որտեղից հայտնաբերվել է 888կգ կասկածելի ծագման մսեղիք, որի մեջ, համաձայն մասնագետի հայտարարության, առկա է նաեւ ավանակի եւ ձիու միս։

Հաշվի առնելով կասկածելի ծագման մսեղիքի հայտնաբերումը՝ ՀՀ գյուղատնտեսության նախարարության սննդամթերքի անվտանգության պետական ծառայության պետի հրամանով զուգահեռ իրականացվել է դիտարկում, որի արդյունքում տվյալ տնտեսվարողի գործունեությունը կասեցվել է։ Մսեղիքից կատարվել է նմուշառում՝ փորձաքննության նպատակով։

Ձեռնարկված միջոցառումների արդյունքում կանխվել է տավարի մսի անվան տակ սպառման նպատակով պահեստավորված ոչ պիտանի՝ փաստացի ավանակի եւ ձիու մսի հիշյալ խմբաքանակի իրացումը։

Քրեական գործով տեղեկություններ են ստացվել մատակարարման աղբյուրների վերաբերյալ։

Նախաքնությունը շարունակվում է։

Տպել
Կարդացեք նաև
Ամբողջ
Սպանված ուսանողի ընտանիքը հայց է ներկայացրել. ամբաստանյալից պահանջում է 4 մլն դրամ
Արշակ Վարդանյանը հայտնեց, որ հայցադիմումը ստացել են տուժողի իրավահաջորդ Տիգրան Մուրադյանից...
2017թ.ի 11 ամիսներին ՀՀ-ում սեռական բնույթի հանցագործությունների 88 դեպք է գրանցվել. վիճակագրական տվյալներ
Ոստիկանության լրատվական ծառայությունը տրամադրել է վերջին 5 տարիներին ...
Դատախազը դժգոհ է, որ հիվանդի մահվան համար «Շտապօգնության» բժիշկը պայմանական ազատազրկման է դատապարտվել
Մեղադրող Գայանե Խաչիկյանը դատարանից պահանջել էր ազատազրկում...
Սերժ Սարգսյանը ցավակցել է Ուզբեկստանի նախագահին
Ակտյուբինսկի շրջանում ուղեւորատար ավտոբուսում բռնկված հրդեհի կապակցությամբ...
Նիդերլանդներում եւ Բելգիայում փոթորիկի հետեւանքով 4 մարդ է զոհվել
Ըստ Soir թերթի՝ հարեւան Բելգիայում աղետի զոհ է դարձել մի կինը, որը մահացել է ծառի ընկնելու հետեւանքով...
Մեկ օրում բացահայտվել է անձ առեւանգելու 2, գողության 21 դեպք
Անցած 1 օրվա ընթացքում հանրապետությունում արձանագրվել է ճանապարհատրանսպորտային 7 պատահար, ինչի հետեւանքով 7 մարդ ստացել է տարբեր աստիճանի մարմնական վնասվածքներ…
Ամենաշատ
Ֆոտոռեպորտաժներ
Partner news