Օրգանական 2017-ը մոտենում է ավարտին: Օրգանական տարին ամփոփելու, ձեռք բերված արդյունքներն ամփոփելու ու ամանորյա համեղ օրգանական ուտեստների շուրջ հաճելի զրույց ունենալու ակնկալիքով Եվրոպական միության կողմից ֆինանսավորվող եւ Ավստրիական զարգացման գործակալության (ԱԶԳ) կողմից համաֆինանսավորվող ու իրականացվող Օրգանական գյուղատնտեսության աջակցության նախաձեռնություն (ՕԳԱՆ) ծրագիրը հրավիրել էր բոլորին տարեվերջյան միջոցառման:
Դեկտեմբերի 16-ին Լոֆթում էին հավաքվել ՕԳԱՆ ծրագրի բոլոր ընկերները, Օրգանականը նախընտրողները, Օրգանական դեսպաններն ու բոլոր նրանք, ում համար Օրգանական ու առողջ ապրելակերպը միակ ընտրությունն է: Օրգանական դեսպանները՝ հայտնի հաղորդավարներ Լուսինե Բադալյանը, Մերի Ներսիսյանը, Գոհար Հայրապետյանը եւ Արման Մարգարյանը ներկաներին պատմեցին, թե ինչպես է ՕԳԱՆ ծրագիրն իրենց օգնել միանալ Օրգանական շարժմանը, դառնալ Օրգանական դեսպան ու նախապատվություն տալ Օրգանական եղանակով արտադրված մթերքներին:
Հայաստանում Օրգանականի լավագույն մասնագետները՝ Նունե Սարուխանյանը եւ Վարդանուշ Պետրոսյանը, ներկայացրին, թե ինչպես է Օրգանական գյուղատնտեսությունն օգնում պահպանել էկոհամակարգերը ու միասին ստեղծեցին Ամանորի առողջ Օրգանական ճաշացանկ:
Ներկաները վայելեցին նաեւ անվճար Food Photography Master Class եւ ֆոտոսեսիա Մարաշլյան ֆոտոստուդիայի կողմից, մասնակցեցին մրցույթին, ստացան մրցանակներ եւ համտեսեցին ամանորյա համեղ օրգանական ուտեստներ:
