Միջազգային մարդասիրական կազմակերպությունները Եմենի մայրաքաղաք Սանայից իրենց աշխատակիցներին տարհանում են: Սանան գտնվում է «Անսար Ալահ» ապստամբական շարժման կողմնակիցների վերահսկողության տակ: Այս մասին հաղորդում է ՏԱՍՍ-ը` վկայակոչելով Al Arabiya-ին եւ Սաուդյան Արաբիայի գլխավորած արաբական կոալիցիայի հայտարարությանը:
Համաձայն կոալիցիայի հայտարարության՝ «մարդասիրական կազմակերպությունների ներկայացուցիչները դիմել են Սանայից իրենց աշխատակիցներին տարհանելու խնդրանքով Եմենի մայրաքաղաքում անվտանգության բարդ իրավիճակի պատճառով»:
2014 թվականի օգոստոսից Եմենում շարունակվում են Եմենի եւ հուսիթների ապստամբ խմբերի միջեւ առճակատումները:
