Ժողովրդական ազատության կուսակցությունը պատրաստվում է առաջիկա նախագահական ընտրություններում աջակցել Ալեքսեյ Նավալնիին, Քսենիա Սոբչակին եւ Գրիգորի Յավլինսկիին:
Այս մասին հաղորդում է DW-ն՝ հղում անելով դեկտեմբերի 16-ին ընդունված եւ կուսակցության պաշտոնական կայքում հրապարակված դաշնային քաղաքական խորհրդի հայտարարությանը:
Դեմոկրատները նախագահական ընտրություններում չեն առաջադրի իրենց թեկնածուին:
Հայտարարության մեջ կուսակցության ղեկավարները նշում են, որ ժողովրդավարական ուժերի բաժանումը թույլ է տալիս իշխանություններին «պաշտոնական ընտրական գործընթացները հանգիստ եւ հարմարավետ անցկացնել»:
«Ներկա իրավիճակում կուսակցությունը չի տեսնում քաղաքական իմաստ սեփական թեկնածու առաջադրելու համար», - ասվում է հայտարարության մեջ: