Հնդկաստանի Մադհյա-Պրադեշ նահանգում վայրի վագրը ներխուժել է հարսանիք՝ խուճապ առաջացնելով հյուրերի եւ նորապսակների շրջանում։ Այս մասին հաղորդում է The Times of India-ն։
Գիշատիչը հայտնվել է թփերի միջից եւ հանդարտ անցել է հյուրերի կողքով` առաջացնելով քաոս եւ խուճապ: Ոչ ոք չի տուժել: «Հարսանեկան արարողությունն իր թեժ փուլում էր, երբ վագրը հայտնվեց»,- ասել է տեղի բնապահպանական կազմակերպության կամավորը: Հյուրերը աղմկել են եւ ցրվել:
Լրատվամիջոցների հայտնում են, որ որոշ ժամանակ անց կենդանին հայտնվել է Մահարաշտրա նահանգում, որտեղ հարձակվել է մի կնոջ վրա: Տուժողը տեղափոխվել է Թամրազ քաղաքի պետական հիվանդանոց:
Կենդանաբանները ընդգծել են վագրի անսովոր պահվածքը, որը հեռու չի մնում բնակավայրերից, չի վախենում մարդկանցից եւ քայլում է բանուկ ճանապարհներով։
Բհանդարայի շրջանի անտառների պահպանության կազմակերպության ղեկավարի տեղակալ Վիվեք Հոշինգը հայտնել է, որ վագրին վերահսկելու համար ստեղծվել է յոթ հոգուց բաղկացած հատուկ խումբ: