News
Լրահոս
News
Ուրբաթ
Հոկտեմբեր 19
Տեսնել լրահոսը

Արաբական պետությունների լիգան (ԱՊԼ) ձեւավորել է վեց արաբական երկրների արտաքին գործերի նախարարներից եւ Լիգայի գլխավոր քարտուղարից բաղկացած

նախարարական խումբ Երուսաղեմը Իսրայելի մայրաքաղաք ճանաչելու ԱՄՆ որոշմանը հակազդելու համար: Այս մասին հաղորդում է ՏԱՍՍ-ը՝ վկայակոչելով ԱՊԼ քարտուղարության տարածած հայտարարությունը։

ԱՊԼ գլխավոր քարտուղարի պաշտոնական ներկայացուցիչ Մահմուդ Աֆիֆիի նշել է, որ խումբը «մտադիր է դիվանագիտական եւ տեղեկատվական ոլորտներում  բոլոր հնարավոր միջոցները ձեռնարկել Երուսաղեմի վերաբերյալ ԱՄՆ վարչակազմի որոշման առավել բացասական հետեւանքները կանխելու համար»: Լիգայի նոր կառույցում ընդգրկվել են  Հորդանանի, Պաղեստինի, Եգիպտոսի, Սաուդյան Արաբիայի, Արաբական Միացյալ Էմիրությունների, Մարոկկոյի ԱԳ նախարարները եւ Արաբական Լիգայի գլխավոր քարտուղար Ահմեդ Աբու ալ Գեյթը: Ակնկալվում է, որ ԱՊԼ նախարարական խմբի առաջին հանդիպումը տեղի կունենա  շաբաթվա սկզբին  Հորդանանի մայրաքաղաք Ամանում:

Հիշեցնենք, որ դեկտեմբերի 6-ին ԱՄՆ նախագահ Դոնալդ Թրամփը հայտարարել էր Երուսաղեմը Իսրայելի մայրաքաղաք ճանաչելու եւ ԱՄՆ դեսպանատունն այնտեղ տեղափոխելու իր որոշման մասին: ԱՄՆ-ի որոշումը դրականորեն ընդունվեց Իսրայելում եւ բացասական արձագանքի արժանացավ աշխարհի բազմաթիվ երկրներում, առաջին հերթին՝ Մերձավոր Արեւելքի երկրներում եւ Պաղեստինում:

Երուսաղեմի կարգավիճակի հարցը պաղեստինա-իսրայելական հակամարտության հիմնական խնդիրներից է: 1967 թ. պատերազմի ժամանակ իսրայելցիները գրավել են քաղաքի արեւելյան մասը: Նրանք պնդում են, որ Երուսաղեմն Իսրայելի «միակ եւ անբաժանելի» մայրաքաղաքն է: Պաղեստինցիները ցանկանում են քաղաքի արեւելյան հատվածն իրենց պետության մայրաքաղաք դարձնել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Չեխիայի իշխանությունները հավանություն են տվել երկրի դեսպանատունը Երուսաղեմ տեղափոխելու «առաջին քայլին»
Չեխիայի նախագահի ներկայացուցիչ Իրժի Օվաչեկը հայտարարել է, որ «Չեխական տանը» տեղակայված կլինեն CzechTrade առեւտրային գործակալությունը եւ CzechTourism տուրիստական գործակալությունը․․․
Մայք Փենսը Պարագվայի նոր նախագահին կոչ է արել դեսպանատունը Թել Ավիվ չվերադարձնել
ԱՄՆ փոխնախագահ Մայք Փենսը Պարագվայի նոր նախագահին կոչ է արել չհրաժարվել իր նախորդի որոշումից…
Երուսաղեմում ԱՄՆ դեսպանատան կառուցումը կարժենա 21 մլն դոլարից ավելի
Ամերիկյան կողմը համաձայնագիր է ստորագրել Desbuild Limak D&K ընկերության հետ, որը դեսպանատունը կապահովի «անվտանգության բարդ համակարգերով»…
ԱՄՆ–ից ու Գվատեմալայից հետո իր դեսպանատունը Երուսաղեմ է տեղափոխել Պարագվայը
Դեսպանատան բացման արարողությանը ներկա են գտնվել Պարագվայի նախագահ Հորացիո Կարտեսը եւ Իսրայելի վարչապետ Բենիամին Նեթանյահուն…
Ղազախստանի ԱԳՆ․ Երուսաղեմի կարգավիճակի փոփոխությունը սպառնում է Մերձավոր արեւելքի խաղաղությանն ու կայունությանը
Նախարարը նաեւ շեշտել է, որ Երուսաղեմը տարբեր էթնիկ ու կրոնական խմբերի հայրենի քաղաքն է․․․
Էրդողանը ԱՄՆ-ին է պատասխանատու համարում Երուսաղեմում տեղի ունեցած բախումների համար
Էրդողանը շեշտել է, որ երբեք չի ընդունի դեսպանատան տեղափոխության մասին ԱՄՆ որոշումը․․․
Ամենաշատ
Partner news