Ուկրաինայում Կանադայի եւ Մեծ Բրիտանիայի դեսպանները դատապարտել են «Նոր ուժերի շարժում» կուսակցության առաջնորդ Միխայիլ Սաակաշվիլիի կողմնակիցների՝ Կիեւում Հոկտեմբերյան պալատի գրավման փորձը, փոխանցում է 112ua-ն: Համապատասխան գրառումները դեսպանները հրապարակել են իրենց թվիթերյալ էջէրին:
Կանադայի դիվանագիտական առաքելության ղեկավար Ռոման Վաշչուկը հայտարարել է, որ ցուցարարները «չարաշահել են խաղաղ բողոքի իրավունքը»:
«Հասարակական շենքերի զավթման եւ ոչնչացման փորձերը խաղաղ բողոքի իրավունքի չարաշահում են»,-գրել է նա:
Այս հայտարարությանը միացել է նաեւ Ուկրաինայում Մեծ Բրիտանիայի դեսպան Ջուդիթ Գոֆը:
Հիշեցնենք, որ Կիեւում դեկտեմբերի 17-ին Միխային Սաակաշվիլիի եւ նրա կողմնակիցների մասնկացությամբ անցկացվեց «Իմպիչմենտի համար» երթը: Երթը ավարտվել էր Անկախության հրապարակի մոտ, որտեղ և հանրահավաք էր կազմակերպվել: Ոստիկանության տվյալներով՝ բողոքի ակցիային մասնակցել է շուրջ 2 հազար մարդ:
Անկախության հրապարակի մոտ տեղի անցկացված հանրահավաքից հետո Միխայիլ Սաակաշվիլին իր մի խումբ համախոհների հետ միասին շարժվել է դեպի Հոկտեմբերյան պալատ: Իրավապահները արգելափակել էին շենքի մուտքը: Կողմերի միջեւ բախումներ են տեղի ունեցել, որոնց ընթացքում իրավապահները արցունքաբեր գազ են կիրառել:
Ոստիկանությունում հայտարարել են, որ բախումների արդյունքում տասնյակ իրավապահներ վնասվածքներ են ստացել: Միջադեպի փաստով երկու քրեական գործ է հարուցվել: