Հրեական պետության պաշտպանության նախարար Ավիգդոր Լիբերմանը կիրակի օրը նախազգուշացրել է, որ իրավիճակը, երբ Իսրայելի Պաշտպանության բանակը գրեթե ամեն օր ստիպված էր արձագանքել Գազայի հատվածից հրթիռային հարձակումներին, չի շարունակվի: Այս մասին հաղորդում է «ՏԱՍՍ»-ը՝ վկայակոչելով նախարարի գրառումը իր ֆեյսբուքյան էջին:
«Հրթիռների պինգ պոնգ ալեւս չի լինի: Հաջորդ շաբաթը ցույց կտա՝ ինչպես են զարգանալու իրադարձությունները: Ինչ վերաբերում է «ՀԱՄԱՍ» ահաբեկչական կազմակերպությանը, որին ակտիվորեն աջակցում է Թուրքիան, պետք է ուշադիր հետեւել՝ ինչ կլինի հաջորդ շաբաթ»:
Նախարարը ընդգծել է, որ Իսրայելը «պատրաստ է ցանկացած սցենարի»: Իսրայելի պաշտպանության բանակը տանկերի եւ ինքնաթիռների օգնությամբ «ՀԱՄԱՍ»-ի ավելի քան տասը զինվորական կետ է ոչնչացրել Գազայի հատվածում, ինչի հետեւանքով առնվազն 2 մարդ է զոհվել, մոտ 30 պաղեստինցի վիրավորվել է: