Հայաստանի ԱԻՆ-ում, այսօր՝ դեկտեմբերի 18-ին, ժամը 01:19-ին ահազանգ է ստացվել, որ Երեւան քաղաքի Խորենացի փողոցի թիվ 20 շենքի մոտակայքում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել երկու մարտական հաշվարկ:
Պարզվել է, որ բախվել են «Nissan Tiida» մակնիշի 35 ՕF 479 (վարորդ` 28-ամյա Հ. Ա.), «Toyota Camry» մակնիշի 20 GG 800 (վարորդ՝ 36-ամյա Ա. Ա.), «Opel Astra» մակնիշի 35 GT 383 (վարորդ՝ 45-ամյա Ս. Թ.) եւ «Kia Sorento» մակնիշի 34 NL 938 (վարորդ՝ 21-ամյա Ս. Թ.) համարանիշերի ավտոմեքենաները:
Մինչ փրկարարների կանչի վայր հասնելը «Nissan Tiida» մակնիշի ավտոմեքենայի վարորդ Հ. Ա.-ն տարբեր աստիճանի մարմնական վնասվածքներով հոսպիտալացվել է «Էրեբունի» ԲԿ, որտեղ ստանալով համապատասխան բուժօգնություն դուրս է գրվել:
«Nissan Tiida» մակնիշի ավտոմեքենայի ուղեւորներ՝ 62-ամյա Կ. Հ.-ն, 17-ամյա Ս. Ա.-ն եւ 41-ամյա Գ. Ջ.-ն հոսպիտալացվել են Էրեբունի ԲԿ, որտեղ բժիշկները Կ. Հ.-ի առողջական վիճակը գնահատել են բավարար, իսկ Ս. Ա.-ն եւ Գ. Ջ.-ն ստանալով համապատասխան բուժօգնություն դուրս են գրվել:
Փրկարարները հոսանքազրկել են «Nissan Tiida» մակնիշի ավտոմեքենան: