Օտարերկրյա զինյալները Սիրիայի եւ Իրաքի թեժ կետերից փախչում են դեպի Սահելի գոտու աֆրիկյան երկրներ, Աֆրիկյան եղջյուր (Սոմալի) եւ Չադի ավազանի տարածք: Այս մասին հաղորդում է Algerie Presse Service- ը՝ վկայակոչելով Ալժիրի արտաքին գործերի նախարարության զեկույցը, որը կիրակի օրը հրապարակվել է Ալժիրի մայրաքաղաքում կայացած Ահաբեկչության խնդիրների ուսումնասիրման աֆրիկյան կենտրոնի նիստի ժամանակ:
«Օտարերկրյա ահաբեկիչները Սիրիայի եւ Իրաքի ռազմական գոտիներից գնում են դեպի իրենց հայրենի երկրներ կամ ճգնաժամային այլ գոտիներ, որոնց թվում են Սահելի գոտին, Աֆրիկյան եղջյուրը եւ Չադի ավազանի շրջանը», - ասել է զեկույցը ներկայացնող ԱԳՆ մամուլի քարտուղար Հաուիս Ռիաշը, փոխանցում է «ՏԱՍՍ»-ը: