Հայաստանի հետ Թուրքիայի հարաբերությունների կարգավորման փորձն, ընդհանուր առմամբ, այնքան էլ անիմաստ գործ չէր: Այս մասին NEWS.am-ի հետ զրույցում ասաց ՌԳԱ Համաշխարհային տնտեսության եւ միջազգային հարաբերությունների ինստիտուտի գիտաշխատող, քաղաքագետ, թուրքագետ Վիկտոր Նադեին-Ռաեւսկին:
Նրա խոսքով՝ Լեռնային Ղարաբաղի հակամարտությունը Անկարային խանգարեց Երեւանի հետ հարաբերությունները կարգավորել: Սակայն այն ժամանակահատվածի, այսինքն՝ 2008-2009 թվականների թուրքական ռազմավարությունն, ընդհանուր առմամբ, այնքան էլ անիմաստ գործ չէր: Փորձագետի պարզաբանմամբ, այդ ժամանակ Թուրքիան ձգտում էր Եվրամիությանն անդամակցել, եւ Թուրքիայում հրաշալի հասկանում էին ու հիմա էլ իրենց հաշիվ են տալիս, որ առանց Հայաստանի հետ հարաբերությունների կարգավորման, իրենց մոտ ոչինչ չի ստացվի:
Իր երբեմնի երազանքն իրագործելու համար Անկարան, ինչպես նշեց փորձագետը, պետք է դադարեցնի Հայաստանի բարբարոսական շրջափակումը եւ հարաբերութունները կարգավորի ինչպես Երեւանի, այնպես էլ Հունաստանի եւ Կիպրոսի հետ: