Իսրայելի պաշտպանության նախարար Ավիգդոր Լիբերմանը հերթական անգամ կասկածի տակ է դրել Ցեղասպանության փաստը։
RTV հեռուստաալիքին տված հարցազրույցում նա նշել է, թե անթույլատրելի է Հայոց ցեղասպանությունը ճանաչելու առաջարկը ի հեճուկս Թուրքիայի։ ,Ես չեմ կարծում, թե այդ հարցը, որը հիմնականում պատմական, վիճելի եւ տեսական է, ընդունելի է շահարկել։ Չեմ կարծում, թե դա կոնկրետ ազդեցություն ունի Թուրքիայի հարցով Իսրայելի ներկայիս դիրքորոշման վրա»,- ասել է նա։
Նա նաեւ ընդգծել է, թե այդ որոշումից հետո կվատթարանան հարաբերությունները Ադրբեջանի հետ, իսկ այդ հարաբերություններն Իսրայելի համար գերակա են։
Նշենք, որ երեկ Լիբերմանը կոչ էր արել վերանայել տնտեսական հարաբերությունները Թուրքիայի հետ։
