Հազարավոր մարդիկ բողոքի ակցիա են անում Իրաքյան Քուրդիստանում։ Ինչպես հայտնում է քրդական Rudaw հեռուստաալիքը, բողոքները կապված են ծառայությունների անբավարարության եւ պետական աշխատողների աշխատավարձերի ուշացման հետ։ Ցույցերը սկսվել են Սուլեյմանիե, Հալաբջա, Ռանիա եւ այլ մարզերում։
Սուլեյմանիեում բողոքի ակցիաները վերաճել են անվտանգության ուժերի հետ բախումների։ Պիրամագրուն քաղաքում ցուցարարներն այրել են Քուրդիստանի Դեմոկրատական կուսակցության, Քուրդիստանի Հայրենասիրական շարժման, Գորրան շարժման եւ Իսլամական միության գրասենյակները։
2014թ. սկզբից Քուրդիստանը տառապում է տնտեսական ճգնաժամից՝ Բաղդադից հատկացովող միջոցների պակասելու, փախստականների մեծ հոսքի եւ նավթի գների անկման պատճառով։ Ֆինանսական կորուստները խորացել են նավթով հարուստ Քիրքուքի կորստի պատճառով։
Կառավարությունը ծրագրում է աշխատավարձերը նվազեցնել 33 տոկոսով։