Մոլդովայի Արտաքին գործերի նախարարությունը հայտարարել է, որ Մոսկվայում դեսպան Անդրեյ Նեգուցույին «խորհրդակցությունների համար» Քիշնեւ է կանչում: ԱԳՆ հաղորդագրության մեջ շեշտում է, որ Մոսկվայում Մոլդովայի դիվանագիտական առաքելության ղեկավարը հեռանում է ՌԴ մայրաքաղաքից «անորոշ ժամանակով», հաղորդում է ՌԲԿ-ն:
Դեսպանին հետ կանչելը բացատրել են մոլդովացի պաշտոնյաների եւ քաղաքական գործիչների նկատմամաբ «ռուսական իշխանությունների կողմից վախեցնելու եւ հետապնդումների դեպքերի» ավելացմամբ, ինչպես նաեւ այս հարցով Մոլդովայի իշխանությունների բողոքների վերաբերյալ պաշտոնական արձագանքի բացակայությամբ:
«Խորհրդակցությունների ժամանակ իրավիճակն ուղղելու եւ սպառնալիքները հյաղթահարելու ուղիները կքննարկվեն: Սպառնալիքները կարող են խզել մոլդովա-ռուսական հարաբերությունները, որոնք Մոլդովայի իշխանություններիը ցանկանում են մնան բարեկամանկան, վստահելի եւ փոխադարձ հարգանքով», — նշվում է հաղորդագրության մեջ:
Մոլդովայի նախագահ Իգոր Դոդոնը վրդովմունք է հայտնել ԱԳՆ որոշման վերաբերյալ՝ նրա գործողությունները սադրանք անվանելով:
«Փաստացի սա նշանակում է մեր գլխավոր ռազմավարական գործընկերոջ՝ ՌԴ հետ դիվանագիտական հարաբերությունների վատթարացում անորոշ ժամանակով:Ես դա համարում եմ որպես եվրոպամետ կառավարության հերթական սադրանք, որի նպատակն է խաթարել մեր երկրների միջեւ ռազմավարական գործընկերությունը», —Facebook-ում գրել է նա:
