2018 թվականի առաջին եռամսյակից Իրաքը մտադիր է անօդաչու ինքնաթիռներ օգտագործել իր նավթի խողովակաշարերը պաշտպանելու եւ մոնիթորինգ իրականացնելու համար: Այս մասին հայտարարել է Իրաքի նավթի նախարարության ներկայացուցիչ Ասիմ Ջիհադը, հաղորդում է Reuters- ը:
«Մենք կօգտագործենք անօդաչու թռչող միջոցներ եւ դիտարկման կատարելագործված համակարգեր` նավթի խողովակաշարերը ցանկացած հարձակումներից կամ կանխամտածված սաբոտաժի գործողություններից պաշտպանելու համար: Նախարարը հանձնարարել է հաջորդ տարվա առաջին եռամսյակում սկսել անօդաչու ինքնաթիռներն օգտագործել», - ասել է Ջիհադը լրագրողներին:
