Թուրքիայի Մանիսա քաղաքում ծեծի է ենթարկվել փողոցում թափառող կենդանիներին կերակրող Ջեմիլե Օզթուրքը։
Թուրքական Cumhuriyet–ի փոխանցմամբ՝ Ջեմիլե Օզթուրքը փողոցում ծեծի ենթարկվելուց հետո դիմել է ոստիկանություն։ Կինը պատմել է, որ ինքը սիրում է փողոցում գտնվող թափառական կենդանիներին կերակրել եւ հերթական կերակրման ժամանակ մոտոցիկլետով մի տղամարդը մոտեցել է իրեն եւ սկսել ծեծել։
«Իմ բղավոցների վրա անցորդները միջամտեցին, իսկ տղամարդը մոտոցիկլետով հեռացավ»,–ասել է ծեծի ենթարկված կինը։