ԱՄՆ գլխավորությամբ միջազգային կոալիցիան հերքում է ամերիկյան զինվորականների կողմից «Իսլամական պետություն» ահաբեկչական խմբավորման ղեկավար Աբու Բաքր ալ Բաղդադիի ձերբակալման մասին լուրերը, ասել է կոալիցիայի ներկայացուցիչը, հաղորդում է «ՌԻԱ Նովոստին»:
«Ցավոք, այդ լուրերը կեղծ են», - ասել է զրուցակիցը: Նա նշել է, որ «կոալիցիան դեռ տեղյակ չէ ահաբեկչի գտնվելու վայրի մասին, որը հայտնի է որպես Աբու Բաքր ալ Բաղդադի»:
«Վստահ եղեք, եթե նրա գտնվելու վայրը հայտնի լիներ, նա արդեն մահացած կլիներ կամ ձերբակալված՝ ռազմական հանցագործության համար դատավճռին սպասելիս: Ամեն դեպքում, կոալիցիան հրապարակայնորեն կհայտներ այդ մասին», — ասել էնա:
Yeni Safak-ի հրապարակման համաձայն՝ ալ Բաղդադին ձերբակալվել է ամերիկյան զինվորականների կողմից եւ գտնվում է Սիրիայի հյուսիսում՝ ԱՄՆ հենակետերից մեկում: Տեղեկությունը պաշտոնապես հաստատված չէ: