Լեհաստանը գերմանական զորքերի կողմից Երկրորդ համաշխարհային պատերազմի ընթացքում հասցված վնասի համար ռազմական փոխհատուցման պահանջը չի կապում Գերմանիայի կողմից Nord Stream 2 գազատարի կառուցումից հրաժարվելու հետ:
Այս մասին հայտարարել է Լեհաստանի վարչապետ Մատեուշ Մորավեցկին: «Երկու հարցերն էլ շատ կարեւոր են Լեհաստանի համար», - ասել է կառավարության ղեկավարը, հաղորդում է «Ռադիո Լեհաստանը»:
Ըստ նրա՝ ՌԴ եւ Գերմանիայի միջեւ գազատարը կարող է գազի շուկայից հանել Լեհաստանի գործընկեր Ուկրաինային, մյուս կողմից այն վտանգավոր է նաեւ Վարշավայի համար:
Վերջերս արեւմտաեվրոպական լրատվամիջոցները գրում էին, որ Գերմանիան կարող է հրաժարվել գազատարի կառուցման գաղափարից Լեհաստանի կողմից փոխհատուցներից հրաժարվելու փոխարեն:
Ըստ Մորավեցկու այս երկու հարցերը չի կարելի միավորել: Նա նշել է, որ Լեհաստանը չի ստացել համապատասպան ռազմական փոխհատուցումներ, ի տարբերություն այն երկրների, որոնք ավելի քիչ են տուժել:
Հետեւաբար, նրա կարծիքով, այս հարցը պետք է վերադառնա գերմանա-լեհական բանակցությունների օրակարգ:
