Այսօր ամերիկյան երազանքը արագորեն վերածվում է ամերիկյան պատրանքի: Այս մասին հայտարարել է ՄԱԿ ծայրահեղ աղքատության հարցերով հատուկ զեկուցող Ֆիլիպ Օլստոնը:
Նրա խոսքով՝ դա պայմանավորված է նրանով, որ այժմ ԱՄՆ-ում մարդիկ ունեն իրենց սոցիալական կարգավիճակը բարձրացնելու ամենացածր հնարավորությունները համեմատած աշխարհի ցանկացած հարուստ երկրի հետ:
Նշելով, որ Միացյալ Նահանգները աշխարհում ամենահարուստ, ամենահզոր եւ տեխնոլոգիական տեսանկյունից նորարարական երկրներից մեկն է, ՄԱԿ փորձագետը շեշտել է, որ ո´չ երկրի հարստությունը, ո´չ նրա ուժը, ո´չ էլ տեխնոլոգիաները չեն օգնում աղքատության մեջ ապրող 40 միլիոն մարդկանց օգնություն ցույց տալու գործում:
Նրա կարծիքով, ԱՄՆ-ն, որը հնարավորությունների երկիր է, անհավասարության չեմպիոն է դառնում:
Նա վստահ է, որ նախագահ Դոնալդ Թրամփի ներկայիս քաղաքականության պատճառով երկրում աղքատության ծավալները կշարունակեն աճել:
