Ռուսաստանը պետք է ավելի արդյունավետ աշխատի ղարաբաղյան հակամարտության հարցում: Այս մասին «Մոսկվա-Բաքու» գործակալության հետ հարցազրույցում հայտարարել է ՌԴԿԿ ղեկավար Գենադի Զյուգանովը:
Նրա խոսքով՝ Ռուսաստանը Կովկասում, Անդրկովկասում եւ Միջին Ասիայում մշակված քաղաքականություն չունի: «Քաղաքականությունը կարող էր ավելի գրագետ, արդյունավետ եւ առավել ազդեցիկ լինել` ինչպես Ադրբեջանի եւ Հայաստանի հարաբերությունների համար, այնպես էլ Վրաստանի դեպքում: Նույնը վերաբերում է նաեւ Հյուսիսային Կովկասին` Սամուրից մինչեւ Պսոու: Օրինակ Դաղստանը` հրաշալի հանրապետություն է, բայց տվել են կլաններին բզկտելու համար...», - ասել է նա:
Նրա կարծիքով, Ռուսաստանը պետք է ավելի արդյունավետ աշխատի ղարաբաղյան հակամարտության ուղղությամբ, ձգտի խաղաղ, խելամիտ լուծումներ փնտրել: «Ես վստահ եմ, որ դրանք կան: Եկեք միասին փնտրենք խաղաղ ճանապարհներ: Դրանում բոլորն են շահագրգռված», - ասել է նա: