News
Լրահոս
News
Ուրբաթ
Հոկտեմբեր 19
Տեսնել լրահոսը

Հայաստանի կառավարությունը օրենսդրական փոփոխություններ է առաջարկում, որի շնորհիվ վերականգնվող էներգիա արտադրողներին հնարավորություն են ընձեռում ամռանը արտադրած էներգիան ծախսել նաեւ ձմռանը։ Այդ մասին Ազգային ժողովում ասել է Էներգետիկ ենթակառուցվածքների եւ բնական պաշարների նախարարի տեղակալ Հայկ Հարությունյանը՝ «Էներգախնայողության եւ վերականգնվող էներգետիկայի մասին» Հայաստանի Հանրապետության օրենքում լրացում եւ փոփոխություններ կատարելու մասին օրենքի նախագծի քննարկմանը:

Փոխնախարարը նշել է, թե 2016թ. փոփոխություններով, մինչեւ 150 ԿՎտ հզորությամբ 221 ինքնավար արտադրողների տրվել է տեխնիկական պայմաններ, նրանցից 193-ը միացել են էներգետիկ համակարգին, ստեղծվել է հավելյալ արժեք, նոր աշխատատեղեր։

Եթե նախկինում հնարավոր չէր ամռանն արտադրված էներգիան սպառել նաեւ ձմռանը, ապա նոր փոփոխություններով նման հնարավորություն է տրվելու։

Հարությունյանի խոսքով, քանի որ արձանագրվել է վերականգնվող էներգետիկ ռեսուրսների տեխնոլոգիաների արժեքների զգալի նվազումներ եւ, ըստ միջազգային փորձագետների, առաջիկայում դրանք միջնաժամկետ հեռանկարում կրելու են շարունակական բնույթ, իրենց արտացոլումը կունենան սակագների վրա, առաջարկվում է սահմանել, որ տարվա արդյունքներով արեւային կայանների կողմից ավել առաքված էներգիան բաշխման լիցենզիա ունեցող անձը ձեռք է բերում ՀԾԿՀ կողմից սահմանված գործող սակագներից ամենացածր սակագնին հավասար։

Կառավարությունն ակնկալում է, որ օրենսդրական փոփոխություններով, էներգետիկ համակարգում կստեղծվեն մաքուր, կանաչ տեխնոլոգիաների կիրառմամբ արտադրական մի շարք նոր հզորություններ, այդ թվում՝ արեւային համակարգի կիրառմամբ, որոնք կթեթեւացնեն էներգետիկ համակարգում գործող արտադրական հզորությունների դերը՝ նվազեցնելով ներմուծվող ածխաջրային վառելիքից կախվածությունը, եւ կդիվերսիֆիկացվի ՀՀ տնտեսությունը։ «Կբարձրանա էներգետիկ անկախության աստիճանը»,- ասել է Հարությունյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայկական ատոմային ոլորտի մասնագետներն ուսումնասիրել են համաշխարհային լավագույն փորձը` ՀԱԷԿ-ում կիրառելու համար
Հայ մասնագետներն ուսումնասիրել են Սմոլենսկի ԱԷԿ-ի ժամանակավոր մոդիֆիկացիաների կառավարման, կոնֆիգուրացիաների հսկողության, էներգաբլոկների աշխատանքների մշտադիտարկման…
Հայաստանում, հնարավոր է, որոշ գետերի վրա արգելեն փոքր ՀԷԿ-երի կառուցումը
Կառավարության առաջարկը չի վերաբերում նախկինում կառուցված ՀԷԿ-երին…
Գերմանացի դիվանագետ․ ԱՄՆ-ը չպետք է սահմանի եվրոպական էներգետիկ քաղաքականությունը
Մենք պետք է խորհրդակցենք եվրոպական գործընկերների հետ․․․
Երեւանում կայացել է Հայկական ԱԷԿ-ի շահագործման ժամկետի երկարաձգման նախագծի համակարգող կոմիտեի նիստը
Նիստի ընթացքում մասնակիցները Հայաստանում ատոմային էներգետիկայի հանրայնացման եւ հասարակական ընկալման ձեւավորման պայմանավորվածություն ձեռք բերեցին...
Նավթի համաշխարհային գներն աճում են
Brent տեսակի նավթի ֆյուչերսները՝ դեկտեմբերյան մատակարարումներով աճել են 0,32 տոկոսով՝ մեկ բարելի դիմաց հասնելով մինչեւ 81,04 դոլարի...
Մեքսիկայի ընտրված նախագահը խոստացել է փրկել երկրի նավթի արդյունաբերությունը
Վերջին 6 տարում ընկերությունը նավթի արդյունահանումը կրճատել է 28 տոկոսով…
Ամենաշատ
Partner news