Ռուսաստանը եւ Բելառուսը համաձայնության չեն եկել էլեկտրաէներգիայի ներկրման գների շուրջ: Այդ պատճառով 2018 թվականին հանրապետությունը հրաժարվում է ներկրելուց՝ Բելառուսի խորհրդարանում ելույթի ժամանակ հայտարարել է էներգետիկայի նախարար Վլադիմիր Պոտուպչիկը, հայտնում է «Բելտա»-ն:
Նա նշել է, որ Ռուսաստանի հետ էլեկտրաէներգիայի ներկրման շուրջ բանակցությունները ավարտվել են՝ հավելելով, որ արդյունքում Մինսկը եկել է այն եզրակացության, որ չի գնի էլեկտրաէներգիա ռուսական գներով։
«Մենք կփախարինենք այն սեփական արտադրանքով», - ասել է նախարարը՝ ընդգծելով, որ 2018 թվականից Բելառուսը ամբողջությամբ կհրաժարվի էլեկտրաէներգիա ներկրելուց:
Սա, երկրի փոխվարչապետ Վլադիմիր Սեմաշկոյի խոսքով, պետք է նպաստի նաեւ սեփական ատոմակայանի՝ ԲԵԼԱԷՍ-ի շահագործման մեկնարկին: «Կայանի օգտագործման դեպքում էլեկտրականություն կորուստ կլինի»,-նկատել է նա խորհրդարանում ելույթի ժամանակ:
Այժմ Բելառուսը, Սեմաշկոյի փոխանցմամբ, այլ երկրների հետ բանակցում է էլեկտրաէներգիայի արտահանման շուրջ: Թե որ երկրի հետ, Բելառուսի փոխվարչապետը չի հստակեցրել: Նախկինում հանրապետության իշխանությունները ծրագրում էին հրաժարվել էլեկտրաէներգիայի ներկրումից 2020 թվականին: