ВР ընկերության ղեկավար Ռոբերտ Դադլին գտնում է, որ ԱՄՆ-ում թերթաքարային նավթի արդյունահանումը սահմանափակ ազդեցություն է գործում նավթի համաշխարհային շուկայի վրա։ Այս մասին նա ասել է The Financial Times բրիտանական ամսագրին տված հարցազրույցում։
Նրա խոսքով՝ առաջ եկող երկրաբանական եւ տեխնիկական խնդիրները կասկածի տակ են դնում նոր ընկերությունների մրցունակության կարողությունը ածխաջրածինների արդյունահանման հարցում, այդ թվում` Սաուդյան Արաբիայի հետ մրցակցելու կարողությունը, որը շարունակում է ավելի մեծ ազդեցություն ունենալ նավթի գների վրա:
«Չեմ կարծում, որ ԱՄՆ-ն իր թերթաքարային նավթով կդառնա այլընտրանքային արդյունահանող»,- հայտարարել է Դադլին: -Կար ժամանակ, որ ես մտահոգված էի այս հարցով: Բայց հիմա կարծում եմ, որ այդ ազդեցությունը աննշան կդառնա»:
ԱՄՆ-ի էներգետիկական տեղեկատվության վարչության տվյալներով՝ ԱՄՆ-ում նավթի արդյունահանումը 2018 թվականին կարող է աճել 6.5 տոկոսով`2017 թ-ի համեմատությամբ հասնելով օրական 9.9 մլն բարելի: