Ազգային ժողովն այսօր՝ դեկտեմբերի 21-ին, երկրորդ ընթերցմամբ ընդունեց «Դատական օրենսգիրք» սահմանադրական օրենքը:
Սահմանադրական օրենքին կողմ քվեարկեց 64 պատգամավոր: «Ելք» խմբակցությունը քվեարկությանը չմասնակցեց, իսկ «Ծառուկյան» դաշինքն էլ ավելի վաղ լքել էր նիստերի դահլիճը՝ հայտարարելով, որ չի մասնակցելու քննարկումներին եւ քվեարկություններին:
«Հանրագրերի մասին» եւ կից ներկայացված օրենսդրական փաթեթը քվեարկության դնելուց հետո «Ելք» խմբակցությունը կրկին 20 րոպե ընդմիջում վերցրեց: Նշենք, որ մինչ այդ «Ելքը» եւս երկու անգամ ընդմիջում էր վերցրել:
