Կատալոնիայի կառավարության նախկին ղեկավար Կարլես Պուչդեմոնը խոստացել է ինքնավար համայնքի՝ դեկտեմբերի 21-ին կայանալիք արտահերթ խորհրդարանական ընտրություններին «ցույց տալ դիմացկուն ժողովրդի ուժը», հաղորդում է «ՌԻԱ Նովոստի»-ն:
«Այսօր մենք կրկին ցույց կտանք դիմացկուն ժողովրդի ուժը: Թող հոկտեմբերի 1-ի՝ անկախության հանրաքվեի անցկացման օրվա, ոգին միշտ առաջնորդի մեզ»,- գրել է Պուչդեմոնը թվիթերյալ իր էջին: Նշենք, որ Կատալոնիայի կառավարության նախկին ղեկավարը այժմ գտնվում է Բելգիայում:
Կարլես Պուչդեմոնը, որը չի ճանաչում իր հրաժարականը, գլխավորում է «Միասին` Կատալոնիայի համար» կոալիցիան: Նշենք նաև, որ Իսպանիայի դատարանը վերջինիս ձերբակալման հրաման է տվել: