ՀՀ ԳՆ սննդամթերքի անվտանգության պետական ծառայության պետական վերահսկողության գործողությունների արդյունքում՝ Երեւանի Ազատության 11/76 հասցեում գործող «Նոր Զովք» ՍՊԸ-ում հայտնաբերվել է թերի մակնշմամբ 76 տուփ (փաթեթավորված չրերի տեսականի, տնական հալվա, սառեցված հնդկահավ, կոնֆետների տեսականի), 40 կգ (եփած երշիկներ, ապուխտներ, պանիր Չանախ, քյուֆթա) սննդամթերք եւ 500 շիշ գազավորված ըմպելիք:
ՍԱՊԾ-ից NEWS.am-ին հայտնում են, որ տրվել է թերի մակնշմամբ ապրանքների իրացումը կասեցնելու կարգադրագիր: Իրացումը կթույլատրվի միայն մակնշման անհամապատասխանությունները շտկելուց հետո:
Տրվել է նաեւ նաեւ շուրջ 12կգ եւ 3 տուփ պիտանիության ժամկետն անցած եփած երշիկների, խոզապուխտների, խինկալու եւ թել պանրի իրացումը կասեցնելու կարգադրագիր: Ժամկետանց սննդամթերքի ողջ խմբաքանակը տեղում ոչնչացվել է՝ ամբողջականությունը խախտելու միջոցով:
NEWS.am -ը հարցի մեկնաբանելու համար դիմեց «Նոր Զովք», որտեղից տեղեկացրին, որ «Նոր Զովք սուպերմարկետում ՍԱԾ կատարած ստուգումների արդյունքում հայտնաբերված սննդամթերքը գտնվել է պահեստի «վերադարձվող ապրանքներ» բաժնում: Ծառայության աշխատակիցների կողմից վաճառքի ենթակա ոչ մի ապրանք չի հայտնաբերվել սրահում: Ծառայության ներկայացրած տվյալները չեն համապատասխանում իրականությանը»:
