Կառավարությունը դեկտեմբերի 21-ի նիստում հավանություն տվեց տեղական սերմնաբուծության եւ հատիկային ու լոբազգի մշակաբույսերի սերմերի արտադրության զարգացման ծրագրին: Որոշման նախագիծը ներկայացրեց գյուղատնտեսության նախարար Իգնատի Առաքելյանը:
Այս ծրագրի իրականացման համար պետական բյուջեից կհատկացվի 117,8 մլն դրամ, որից 34 մլն-ը կուղղվի սերմի ձեռքբերմանը, իսկ 83,7 մլն դրամը՝ սերմաբուծական տնտեսութուններից սերմ գնելուն:
Նախարարի խոսքով՝ Հայաստանում սերմնաբուծության եւ սերմնարտադրության զարգացման ճանապարհին հիմնական խոչընդոտը սերմերի սուպերէթիլային եւ էթիլային տեսակների անհրաժեշտ քանակության բացակայությունն է, ինչպես նաեւ ցանքատարածքների հատվածայնությունը:
Վարչապետ Կարեն Կարապետյանն, իր հերթին, նշեց, որ գյուղնախարարությունը սերմաբուծության ոլորտում արդեն մի շարք համալիր միջոցառումներ է ձեռնարկում եւ համանման միջոցառումներ է սպասում անասնաբուծության ոլորտում: