Կատալոնիայում ընթանում են արտահերթ խորհրդարանական ընտրություններ: Դեկտեմբերի 21-ի քվեարկությանը մասնակցելու իրավունք ունեն շուրջ 5.5 միլիոն ընտրող: Դիտորդները ակնկալում են ռեկորդային մասնակցություն, հաղորդում է DW-ն։
Reuters գործակալությունը նշում է, որ օրվա առաջին կեսին ընտրական տեղամասերում ընտրողների երկար հերթեր են կուտակվել։ Համաձայն ընտրական հանձնաժողովի տվյալների՝ ժամը 13-ի դրությամբ ընտրությանը մասնակցել է ընտրողներ 34,51 տոկոսը։
Կատալոնիայի անկախության կողմնակիցները, որոնք նախկինում մեծ թիվ էին կազմում կատալոնյան խորհրդարանում, դեմ էին հանդես գալիս այն կուսակցություններին, որոնք կողմ էին հանդես գալիս միասնական Իսպանիայի համար: Քվեարկության արդյունքը դեռ հայտնի չէ: Դատելով նախընտրական հարցումներից՝ կատալոնական անկախության կողմնակիցներն ու հակառակորդները կարող են ստանալ հավասար թվով ձայներ:
«Կատալոնիայի հետ միասին» ընտրացուցակը գլխավորում է Կատալոնիայի նախկին նախագահ Կառլես Պուչդեմոնը, որն այժմ թաքնվում է Բելգիայում: Մեկ այլ ցուցակ գլխավորում է նախկին փոխնախագահ Օրիոլ Ժունկերասը: Հոկտեմբերի վերջին Մադրիդը իշխանությունից առանձնացրել էր Կատալոնիայի շրջանային կառավարությունը եւ լուծարել շրջանի խորհրդարանը: Դատարանը քրեական գործ էր հարուցել մի շարք կատալոնական քաղաքական գործիչների եւ բարձրաստիճան պաշտոնյաների դեմ ապստամբության փորձ կատարելու համար: Իշխանությունից հեռացված Պուչդեմոնը կոչ էր արել արտահերթ ընտրությունները դիտարկել որպես անկախության հանրաքվեի երկրորդ փուլ: