Երկու հոբելյանների՝ հայկական կոնյակագործության 130 ամյակի եւ Մարտիրոս Սարյանի տուն-թանգարանի 50 ամյակի խորհրդանշական տարում, ԱՐԱՐԱՏ թանգարանը իր այցելուներին հատուկ հնարավորություն կընձեռի ճանապարհորդելու հայկական կոնյակագործության պատմության միջով եւ նորովի կներկայացնի մեծն վարպետի գլուխգործոցները:
Թանգարանում տեղադրված կլինեն հատուկ էկրաններ, որոնց վրա կկենդանանան Սարյանի կտավները՝ ներկայացնելով անկրկնելի, վառ եւ հիրավի վարպետի վրձնին բնորոշ երանգների խաղը:
Միջթանգարանային համագործակցության արդյունքում ստեղծված այս նախագիծը նպատակ ունի լրացուցիչ հետաքրքրություն արթնացնել մեծն հայ գեղանկարչի հանդեպ, ում արդարացիորեն անվանում են «Հայաստանի ժպիտը»: Բաց դռների օրերին այցելուները ԱՐԱՐԱՏ թանգարանով անվճար էքսկուրսիայի հնարավորությունից բացի կստանան նաեւ մինչեւ 2018թ.-ի Մարտի 31-ը Մարտիրոս Սարյանի տուն-թանգարան անվճար այցելելու տոմս, որտեղ կկարողանան ծանոթանալ նկարչի լայնածավալ ստեղծագործությունների հավաքածուներին:
«Մեզ համար չափազանց կարեւոր է այս նախագիծը եւ մայրաքաղաքի մյուս խորհրդանշական թանգարանների հետ համագործակցությունը: Կուզենայի հավատալ, որ նման նախագծերը մեր լսարանի մոտ առաջ կբերեն բոլորովին նոր վարքագիծ եւ ընտանիքի կամ ընկերների հետ Երեւանի հրաշալի թանգարաններում ժամանակ անցկացնելը կդառնա էլ ավելի տարածված, հատկապես տոների ընթացքում, այդպես ասած, չեկին լինել ոչ միայն ակումբներում, ռեստորաններում, այլ նաեւ թանգարաններում: Այս նախագծով մենք ջանում ենք ցույց տալ, որ թանգարանը ոչ միայն նպատակակետ է, այլ գրավիչ ճանապարհորդություն»,- նշում է Երեւանի կոնյակի գործարանի վաճառքների եւ շուկայավարության տնօրեն Կարին Մադելրիոն:
Այս տարվանից սկսած ԱՐԱՐԱՏ թանգարանում մշտապես ցուցադրվում է վարպետի 1933թ.-ի «Ղամարլու» նկարը (թուղթ, մատիտ, սանգինա, 11x13 սմ ):
Ամանորի նախաշեմին անցկացվող «Բաց դռների օրեր» միջոցառումը կեզրափակի ԱՐԱՐԱՏ թանգարանի այս տարում անցկացված մշակութային միջոցառումների շարքը, որոնցից հարկ է նշել ԱՐԱՐԱՏ Զրույցի Երեկոն՝ հանրային ձեւաչափով անց կացվող attainment նախագիծը: ԱՐԱՐԱՏ Զրույցի Երեկոն հատուկ բանախոսություն-քննարկումների շարք է, մտավոր հարթակ, ուր կհանդիպեն ամենատարբեր ոլորտների պրոֆեսիոնալներն ու գործի վարպետները, այդ թվում՝ արվեստագետներ, հասարակական գործիչներ, լրագրողներ ու ժամանակակից մշակույթի ներկայացուցիչներ՝ կենդանի զրույցի ռեժիմով արդի եւ պրոֆիլային հարցերի վերաբերյալ իրենց տեսակետը ներկայացնելու համար:
ԱՐԱՐԱՏ Զրույցի Երեկոյի հյուրերն արդեն հասցրել են լինել Տրետյակովյան պետական պատկերասրահի տնօրեն Զելֆիրա Տրեգուլովան, Իտալիայի ժամանակակից արվեստի տեսաբան Դանիլո Էկկերը եւ հոլիվուդյան աստղ Ջոն Մալկովիչը: