Սոցկայքերի թուրքական տիրությում շարունակում են քննարկել Երուսաղեմը Իսրայելի մայրաքաղաք ճանաչող ԱՄՆ նախագահի որոշումը դատապարտող բանաձեւը եւ մասնակցած երկրներին։
Մասնավորապես Twitter–ում բազմաթիվ օգտատերեր հիատակում են, որ Հայաստանը նույնիսկ կողմ է կողմ է քվեարկել բանաձեւին, իսկ Թուրքիայի բարեկամ ու ազգակից երկրները ձեռնպահ են եղել կամ չեն մասնակցել։
Sadik Sofuoglu անունով օգտատերը այս առթիվ գրել է. «Երուսաղեմի հարցով քվեարկությանը ձեռնպահ քվեարկած Թուրքիայի բարեկամ Բոսնիա Հերցեգովինան եւ քվեարկությանը չմասնակցած մեր ազգակից ու կրոնակից Թուրքմենստանը մի Հայաստանի չափ էլ չկան։ Ամոթ ձեզ»։
Ավելի վաղ NEWS.am-ը հայտնել էր, որ ՄԱԿ-ի Գլխավոր Ասամբլեան 128 կողմ, 35 ձեռնպահ եւ 9 դեմ ձայներով հաստատել է բանաձեւը, որը փաստացի անվավեր է ճանաչում ԱՄՆ նախագահ Դոնալդ Թրամփի՝ Երուսաղեմը որպես Իսրայելի մայրաքաղաք ճանաչելու որոշումը:
Ընդունված բանաձեւում ՄԱԿ անդամ պետությունները հաստատել են Երուսաղեմի հատուկ կարգավիճակը եւ շեշտել, որ այն փոփոխելու ուղղված ցանկացած միջոցառում «չունի իրավական ուժ»: Հայաստանը կողմ է քվեարկել բանաձեւին:
Գլխավոր Ասամբլեայի անդամները կոչ են արել երկրներին Երուսաղեմում դիվանագիտական ներկայացուցչություններ չբացել: