81-րդ տարեկան հասակում մահացել է ամերիկացի տիեզերագնաց Բրյուս Մաքքենդլեսը, հաղորդում է DW- ն՝ վկայակոչելով ԱՄՆ-ի Օդագնացության եւ տիեզերական տարածության հետազոտման ազգային վարչությունը (NASA):
Ինչպես հաղորդում է NASA-ն դեկտեմբերի 23-ին, Մաքքենդլեսը մահացել է դեկտեմբերի 21-ին: Այս տիեզերագնացը պատմության մեջ առաջին մարդն էր, ով բաց տիեզերքում աշխատում էր առանց անվտանգության ճոպանի: Դա տեղի էր ունեցել 1984 թվականին:
Երբ «Ապոլլո-11» տիեզերանավը թռչում էր դեպի Լուսին, Մաքքենդլեսը տիեզերանավում էր որպես կապի օպերատոր եւ պատասխանատու էր տիեզերագնացներ Նիլ Արմսթրոնգի եւ Բազ Օլդրինի հաղորդակցության համար: Բացի այդ, Մաքքենդլեսը 1990 թվականին մասնակցել է «Հաբլ» տեիզերական աստղադիտակի՝ տիեզերք արձակմանը:
«Բրյուսի հայտնի լուսանկարը տիեզերքում ամերիկացիների բազում սերունդներ է ոգեշնչել այն մտքով, որ մարդկային ներուժը սահմաններ չունի»,- հայտարարել է սենատոր Ջոն Մաքքեյնը: Հանրապետական կուսակցության ներկայացուցիչը Մաքքենդլեսի համակուրսեցին էր ԱՄՆ-ի ռազմածովային ակադեմիայում: