Միացյալ Նահանգների նախագահ Դոնալդ Թրամփը որոշել է Ուկրաինային դուրս բերել Արտոնությունների ընդհանրացված համակարգից (GSP)` երկրի իշխանությունների կողմից մտավոր սեփականության պաշտպանության ուղղությամբ գործադրվող անբավարար ջանքերի պատճառով: Այդ մասին գրում է «ՌԻԱ Նովոստի»-ն` վկայակոչելով Սպիտակ տան մամուլի ծառայությունը:
«Ոսումնասիրելով 1974 թվականի Առեւտրի մասին օրենքի դրույթները... այն մասին, թե որքանով է նշված զարգացող շահառու երկիրը ապահովում մտավոր սեփականության իրավունքի պատշաճ եւ արդյունավետ պաշտպանությունը, ես որոշեցի, որ նպատակահարմար է Ուկրաինայից ներկրվող մի շարք ապրանքների համար դադարեցնել Արտոնությունների ընդհանրացված համակարգի շրջանակներում սահմանված անմաքս ռեժիմը», - նշվում է փաստաթղթում:
