Նախագահ Դոնալդ Թրամփի՝ Երուսաղեմը որպես Իսրայելի մայրաքաղաք ճանաչման որոշումից հետ Իսրայելական բանակի հետ բախումների զոհերի թիվը պաղեստինցիների շրջանում հասել է 12-ի: Այս մասին հայտարարել է Գազայի հատվածի առողջապահության նախարարության ներկայացուցիչ Աշրաֆ Ալ-Քեդրան, փոխանցում է «ՌԻԱ Նովոստի»-ն:
«Թրամփի՝ Երուսաղեմի վերաբերյալ հայտարարությունից հետո Իսրայելի բանակի հետ բախումների հետեւանքով զոհված պաղեստինցիների թիվը հասել է 12-ի», - ասել է Ալ-Քեդրան:
Հիշեցնենք, որ Իսրայելի անվտանգության ուժերի հետ ցուցարարների բախումները տարբեր աստիճանի ինտենսիվությամբ շարունակվում են ավելի քան երկու շաբաթ: Բախումները պատասխան դարձան ԱՄՆ նախագահ Դոնալդ Թրամփի՝ Երուսաղեմը Իսրայելի մայրաքաղաք ճանաչելու որոշմանը: