Պաղեստինյան «ՖԱԹՀ» շարժումը որոշել է «Սուրբ Ծնունդի տոները նշել Իսրայելի օկուպացիայի դեմ փողոցային ելույթների ակտիվացմամբ»:
Այս մասին Al-Mayadeen հեռուստաալիքին ասել է Հեղափոխական խորհուրդ (ղեկավար մարմնի) շարժման անդամ Մուհամմեդ Լյախամը, հաղորդում է ՏԱՍՍ-ը:
«Մենք «ՖԱԹՀ»-ի կողմակիցներին եւ ամբողջ Պաղեստինի ժողովրդին ամանորյա տոներին «զայրույթի օրերի» անցկացման կոչ ենք անում», - ասել է նա:
Պաղեստինի առողջապահության նախարարության տվյալներով` ուրբաթ Հորդանան գետի Արեւմտյան ափի քաղաքներում եւ Գազայի հատվածում իսրայելական ոստիկանության եւ զինվորականների միջեւ բախումների ժամանակ զոհվել է երեք մարդ, 689-ը վիրավորվել է կամ տուժել էշնչահեղձությունից: Բախումների պատճառը, որոնք շարունակվում են դեկտեմբերի սկզբից, Երուսաղեմը որպես Իսրայելի մայրաքաղաք ճանաչելու ԱՄՆ վարչակազմի որոշումն է:
իճԵրուսաղեմի կարգավակը պաղեստինա-իսրայելյան հակամարտության հիմնական խնդիրներից մեկն է: Իսրայելացիները 1967 թվականի պատերազմում գրավել են քաղաքի արեւելյան հատվածը եւ պնդում են, որ Երուսաղեմը Իսրայելի «միակ եւ անբաժանելի» մայրաքաղաքն է: Իրենց հերթին, պաղեստինցիները ցանկանում են Արեւելյան Երուսաղեմը իրենց սեփական պետության մայրաքաղաքը դարձնել:
