Հայաստանի ազգային պոլիտեխնիկական համալսարանի բակի տոնածառի տակից այսօր՝ դեկտեմբերի 25-ին հայտնաբերված արկղում եղել է 4 հատ տոնական ճայթուկ եւ 3 շիշ խմիչք:
Ավելի վաղ NEWS.am-ը հայտնել էր, որ այսօր՝ դեկտեմբերի 25-ին, ժամը 10:32-ին ահազանգ է ստացվել ոստիկանությունից, որ Երեւան քաղաքի Տերյան 105/6 հասցեում գտնվող Հայաստանի ազգային պոլիտեխնիկական համալսարանի բակում գտնվող տոնածառի տակ կասկածելի արկղ կա. անհրաժեշտ է փրկարարների օգնությունը:
Դեպքի վայր էր մեկնել մեկ մարտական հաշվարկ եւ արտակարգ իրավիճակների արձագանքման խումբը: Համալսարանի ներսում բոլոր գտնվողներին տարհանել էին:
