«Բացասաբար,- ասել է նա՝ պատասխանելով համապատասխան հարցին: - Մենք այդ մասին քանիցս ասել ենք: Դա առաջին հերթին կապված է այն բանի հետ, որ, ցավոք, Կիեւի վրա բավականին ուժեղ է փաստացի ծայրահեղական եւ ազգայնական տրամադրություններով տարրերի ազդեցությունը, որոնք սպառազինության նման տեսակի զենք ստանալով, այսպես թե այնպես, այն կարող են օգտագործել Դոնբասի հանրապետությունների նկատմամբ հերթական սադրիչ եւ ագրեսիվ գործողությունները ծավալելու համար»:
Պեսկովը հրաժարվել է մեկնաբանել՝ արդյոք Մոսկվան որեւէ պատասխան գործողություն մշակում է հարցը: «Մոսկվան անտարբեր չէ մի քանի միլիոն մարդկանց ճակատագրի հանդեպ, որոնք բնակվում են չճանաչված հանրապետություններում»,- սոսկ նշել է նա:
Նախօրեին ԱՄՆ Պետդեպարտամենտի մամուլի ծառայության ղեկավար Հեզեր Նաուերթը հայտնել էր, որ ԱՄՆ-ն որոշում է ընդունել Ուկրաինային «զարգացած պաշտպանական միջոցներ» մատակարարելու մասին՝ երկրի պաշտպանունակության ամրապնդման համար Վաշինգթոնի ջանքերի շրջանակում: Մինչ այդ ABC-ն հայտնել էր, որ ԱՄՆ նախագահ Դոնալդ Թրամփը, ինչպես սպասվում է, ծրագրին կաջակցի, որով նախատեսվում է Ուկրաինայի իշխանություններին 47 մլն դոլարի հակատանկային զենք մատակարարել: Նշված խմբաքանակի մեջ կարող են մտնել հակատանկային Javelin հրթիռային համալիրներ: Եթե Թրամփը ծրագրին հավանություն տա, ապա այն կներկայացվի ԱՄՆ Կոնգրեսի քննարկմանը: Դրա համար օրենսդիրները 30 օր ժամանակ կունենան:
