ՌԴ-ում Հայաստանի դեսպանատունը ճշտում է Մոսկվայում ճանապարհային պատահարի հետեւանքով տուժածների թվում Հայաստանի քաղաքացիների առկայության մասին տեղեկությունը:
«Ռուսաստանում Հայաստանի դեսպանատունը ճշտում է Մոսկվայի մետրոյի «Սլավյանսկի բուլվար» կայարանի մոտ ստորգետնյա անցումի մեջ մխրճված ավտոբուսի մասնակցությամբ ճանապարհային պատահարի հետեւանքով զոհվածների եւ տուժածների թվում Հայաստանի քաղաքացիների առկայության մասին տեղեկությունը: Մեր ցավակցությունն ենք հայտնում զոհվածների հարազատներին եւ մտերիմներին»,- նշված է դեսպանատան Twitter-ի միկրոբլոգում:
Ինչպես հաղորդել էինք ավելի վաղ, Մոսկվայի մետրոյի «Սլավյանսկի բուլվար» կայարանի մոտ ավտոբուսը մխրճվել է ստորգետնյա հետիոտնային անցումի մեջ: Տարբեր տեղեկություններով՝ վթարի հետեւանքով 4-5 մարդ է մահացել, մոտ 15-ը վնասվածքներ է ստացել: