Հյուսիսային Կորեան եկող տարի եւս կզարգացնի իր միջուկային եւ հրթիռային ծրագրերը, սակայն կփորձի ԱՄՆ-ի եւ Հարավային Կորեայի հետ երկխոսության ուղիներ փնտրել, այս մասին հայտնում է «Ռենհափը»՝ վկայակոչելով Հարավային Կորեայի ազգային միավորման հարցերով նախարարության հայտարարությունը:
«Հյուսիսային Կորեան կշարունակի զարգացնել իր հրթիռային եւ միջուկային ծրագրերը, սակայն միաժամանակ ելքի ուղիներ կորոնի: Դե ֆակտո միջուկային զենք ունեցող երկրի կարգավիճակի ճանաչմանը հասնելու փորձեր կատարելիս կուսումնասիրի ԱՄՆ-ի հետ բանակցությունների հնարավորությունը»,- նշված է նախարարության 2018 թվականի կանխատեսումներում:
Գերատեսչությունում կարծում են, որ Հյուսիսային Կորեան կձգտի շփման եզրեր գտնել նաեւ Հարավային Կորեայի հետ հարաբերությունները վերականգնելու նպատակով: գերատեսչությունը մտադիր է մեծ ուշադրություն դարձնել Կիմ Չեն Ընի հունվարի 1-ի ավանդական ելույթին: