Իսրայելի տրանսպորտի եւ ճանապարհային անվտանգության նախարար Իսրայել Կացը հաստատել է Իսրայելի երկաթուղիների կոմիտեի առաջարկը՝ Երուսաղեմում Լացի պատից մի քանի տասնյակ մետր հեռավորության վրա երկաթուղային կայարանի կառուցման մասին: Այս մասին հաղորդում է «Ինտերֆաքս»-ը՝ վկայակոչելով իսրայելայան Yediot Aharonot-ը:
Նոր երկաթուղային կայարանը նախարարը որոշել է անվանել ԱՄՆ նորընտիր նախագահ Դոնալդ Թրամփի պատվին, ով դեկտեմբերի սկզբին հայտարարել էր Երուսաղեմը Իսրայելի մայրաքաղաք ճանաչելու որոշման մասին:
Լացի պատը հրեաների համար ամենասուրբ վայրն է, եւ ես որոշեցի այնտեղ տանող երկաթուղային կայարանը անվանել է ԱՄՆ նախագահ Դոնալդ Թրամփի պատվին՝ որպես երախտապարտության նշան Երուսաղեմը Իսրայելի մայրաքաղաք ճանաչելու խիզախ եւ պատմական որոշման համար», - հայտարարել է Կացը: