Հայաստանի Հանրապետության կառավարությունը վերապահումներով հավանություն է տվել Եվրոպայի խորհրդի «Կանանց նկատմամբ բռնության եւ ընտանեկան բռնության կանխարգելման եւ դրա դեմ պայքարի մասին» կոնվենցիային: Համապատասխան որոշումը կայացվել է դեկտեմբերի 28-ի ՀՀ կառավարության նիստի ժամանակ:
Կառավարությունը կոնվենցիան հաստատել է վերապահումներով: Դրանցից մեկը վերաբերում է պետության կողմից ապօրինի գործողությունների արդյունքում տուժածների առողջությանը պատճառված վնասի համար փոխհատուցման իրավունքին, եթե աջակցության այլ միջոցները թույլ չեն տալիս վերականգնել առողջությունը: